Russian English
თბილისში საკულტო-რელიგიურ ნაგებობებს ახალი ფუნქცია შეემატება
პარასკევი, 15 თებერვალი, 2019 - 01:38
თბილისის მერიასა და რელიგიის საკითხთა სახელმწიფო სააგენტოს შორის ურთიერთთანამშრომლობის მემორანდუმი გაფორმდა. დოკუმენტს ხელი თბილისის მერმა დავით ნარმანიამ და რელიგიის საკითხთა სააგენტოს თავმჯდომარემ ზაზა ვაშაყმაძემ მოაწერეს.   შეთანხმების მიზანია, დედაქალაქში არსებული საკულტო-რელიგიური დანიშნულების ნაგებობების დაცვისა და გამოყენების საკითხებზე ერთობლივი პროგრამებისა და პროექტების განხორციელება, რომელიც ითვალისწინებს ინტერრელიგიური და კულტურათაშორისი დიალოგის გაღრმავებასა და სამოქალაქო საზოგადოებაში  ტოლერანტული გარემოს შექმნას.
„სხვადასხვა ხასიათის რელიგიურ საკითხებზე რელიგიის სააგენტოსთან ჩვენ მჭიდროდ ვთანამშრომლობთ.  ჩვენი თანამშრომლობა მოიცავს ისეთ საკითხებს, როგორიც არის  ქალაქის სხვადასხვა ტერიტორიაზე საკულტო-რელიგიური შენობების მშენებლობა და ამ თემებთან დაკავშირებული ღონისძიებების ჩატარების  ორგანიზება. მემორანდუმის ხელმოწერის შემდეგ, ეს თანამშრომლობა აქტიურად გაგრძელდება და კიდევ უფრო მჭიდრო გახდება“- განაცხადა დავით ნარმანიამ.  
 
 
 
კომენტარები


© 2015, MediaCity. All Rights Reserved.