Russian English
გურიაში აზიური ფაროსანას წინააღმდეგ დაირაზმნენ
ხუთშაბათი, 21 მარტი, 2019 - 18:00
გურიაში აზიური ფაროსანას საწინააღმდეგო ღონისძიებების პირველი ეტაპი დაიწყო. მავნებლის იდენტიფიკაციისა და გავრცელების არეალის დადგენის მიზნით, სურსათის ეროვნული სააგენტოს მონიტორინგის ჯგუფები და ფიტოსანიტარები ლანჩხუთის, ოზურგეთისა და ჩოხატაურის მუნიციპალიტეტების სოფლებში (ჭყონაგორა, ნიგოითი, ნატანები, ამაღლება) საკარმიდამო ტერიტორიებს, თხილის ფართობებსა და მიტოვებულ შენობებს ათვალიერებენ და მავნებლის რაოდენობას სწავლობენ.
 
ღონისძიებებში ჩართული არიან გურიის მხარის რწმუნებული ზურაბ ნასარაია და საკოორდინაციო მართვის ცენტრის ხელმძღვანელი ლაშა შალამბერიძე. ისინი ადგილობრივ მოსახლეობას დეტალურ ინფორმაციას აწვდიან მავნებლის წინააღმდეგ დაგეგმილი ღონისძიებების შესახებ.
 
როგორც ადგილობრივებთან საუბრისას ლაშა შალამბერიძემ განაცხადა, მავნებელთან ბრძოლისას მნიშვნელოვანია მისი გავრცელების არეალის დროული იდენტიფიცირება, რაც მონიტორინგის შედეგებით განისაზღვრება.
 
 
 
კომენტარები


© 2015, MediaCity. All Rights Reserved.