Russian English
ჯიჯი ზუგდიდში - როცა სკოლის არქიტექტურით მსოფლიო ინტერესდება
ოთხშაბათი, 08 იანვარი, 2020 - 17:06
თავდაპირველად, თვალში გეცემა  სკოლის არქიტექტურა და გული გწყდება, რომ ასეთი რამ პირველად დედაქალაქში არ აღიმართა. მეორე წამს, გული სიამაყით  გევსება, რომ რეგიონში დაიბადა ასეთი კრეატიული იდეა და განხორციელდა კიდეც. 
 
ჯიჯი-გიმნაზია  2011 წელს  ჯიმშერ ღურწკაიას მიერ ყოფილი მეშვიდე საშუალო სკოლის ბაზაზე დაფუძნდა. სკოლამ ფუნქციონირება 2013-2014 სასწავლო წლიდან დაიწყო, მას შემდეგ რაც საქართველოს ეკონომიკის სამინისტროსთან დადებული ხელშეკრულებით ნაკისრი ვალდებულებები შესრულდა და ავტორიზაცია მიიღო. 
აღნიშნული საინვესტიციო პროექტი ჯიმშერ ღურწკაიამ მამას,  საქართველოს დამსახურებული მასწავლებელს - ალექსანდრეს ღურწკაიას მიუძღვნა.  2013 წელს  ქვეყნის პრეზიდენტმა მამა-შვილი ბრწყინვალების საპრეზიდენტო ორდენით დააჯილდოვა. 
ჯიჯი-გიმნაზიას განათლების საბუნებისმეტყველო-საინჟინრო მიმართულება აქვს აღებული, სადაც მოსწავლეებს შესაძლებლობა აქვთ შეიძინონ და გამოიყენონ ცოდნა, განივითარონ კვლევა-ძიების უნარ-ჩვევები წამყვანი ევროპული ფირმების მიერ წარმოებული დანადგარებითა და ინვენტარით აღჭურვილ ლაბორატორია -კლასებში. აქვე არის  სპორტული დარბაზი და მოედნები, პანსიონი, ანსამბლი "ჯიჯიელები", საბავშვო ბაღი -"ჯიჯი-ბალღი" და ა.შ. 
რაც მთავარია - მარცხნივ, მარჯვნივ, გარეთ, შიგნით... მოსწავლეები ყოველი მხრიდან თავიანთი საყვარელი  წიგნებითა და ლიტერატურული გმირებით არიან გარშემორტყმულნი. სწორედ, ამიტომ მსოფლიოს ბევრმა ტურისტულმა კომპანიამ ის თავის გზამკვლევშიშეიყვანა.
 
კომენტარები


© 2015, MediaCity. All Rights Reserved.