Russian English
ვინ და როგორ ებრძვის საქართველოში უნაყოფობის პრობლემას
სამშაბათი, 15 ნოემბერი, 2022 - 05:02

უნაყოფობის პრობლემის მქონე პაციენტების ასოციაციის „ერთად ახალი სიცოცხლისთვის“ ინიციატივით, სასტუმრო „ჰოლიდეი ინ“-ში უნაყოფობის მკურნალობის ხელმისაწვდომობასთან დაკავშირებით მრგვალი მაგიდა გაიმართა.
პაციენტების ასოციაციის „ერთად ახალი სიცოცხლისთვის“ დირექტორმა თამარ ქაჩლიშვილმა, სფეროს ექსპერტებსა და სამინისტროს წარმომადგენლებს  2 წლიანი მუშაობის შედეგები გააცნო.  
დღევანდელი დღე უმნიშვნელოვანესია უნაყოფობის პრობლემების მქონე პაციენტებისთვის, ვინაიდან ჩვენი ორგანიზებით, პირველად საქართველოში, სფეროს ექსპერტების, ჯანდაცვის პოლიტიკის შემქმნელების და მოწვეული უცხოელი სტუმრების გაერთიანება მოხდა ერთ სივრცეში, სწორედ პაციენტებისთვის უნაყოფობის მკურნალობის ხელმისაწვდომობასთან დაკავშირებით არსებული გამოწვევებსაა და შესაძლებლობებზე მსჯელობისთვის. მოხარული ვართ, რომ ჩვენი პარტნიორი, ქოლგა ორგანიზაცია „Fertility Europe“-ის წარმომადგენელები დღეს ჩვენთან ერთად არიან, ორგანიზაცია რომელიც აერთიანების 28 ქვეყნის, უნაყოფობის პრობლემის მქონე პაცინეტების 31 ასოციაციას, და 25 მილიონამდე პაციენტის ხმას ევროპის მასშტაბით, მათი 10 წლიანი გამოცდილება დღეს უნდა დავიხმაროთ იმ რეკომენდაციების შემუშავებაში, რაც საერთაშორისო მასშტაბით დაგროვდა უნაყოფობის მკურნალობის ჯანდაცვის პოლიტიკის ფორმირებაში. მიზანი კი მხოლოდ ერთია, გავაუმჯობესოთ პაციენტების ხელმისაწვდომობა დროულ მკურნალობაზე და გავაუმჯობესოთ უშუალოდ მკურნალობის პროცესში პაციენტების მდგომარეობა ფსიქოკონსულტირებისა და განათლების კომპონენტების გაძლიერებით. “ – განაცხადა „ერთად ახალი სიცოცხლისთვის“ თანადამფუძნებელმა და დირექტორმა თამარ ქაჩლიშვილმა.

ღონისძიებას ესწრებოდნენ ჯანდაცვის სამინისტროს, საპარლამენტო კომიტეტის, ქალაქ თბილისის მერიის ჯანდაცვისა და სოციალური მომსახურების საქალაქო სამსახურის წარმომადგენლები და რეპროდუქციული კლინიკების ხელმძღვანელები და წამყვანი სპეციალისტები. მასპინძელს თავიანთი გამოცდილება გაუზირეს პაციენტების საერთაშორისო ქოლგა ორგანიზაციის „Fertility Europe“ - წარმომადგენლებმა ოფრა ბალაბან კასზტელანსკიმ (ის ასევე გახლავთ ისრაელის პაციენტების ორგანიზაციის „Chen”  - ის თავმჯდომარე) და ანიტა მალგორზატა ფინჩამიმ.

მრგვალი მაგიდის ფარგლებში ქართველმა და უცხოელმა ექსპერტებმა რეპროდუქტოლოგიური სფეროს წარმომადგენლებთან ერთად იმსჯელეს დარგის პრობლემებსა და გამოწვევებზე პაციენტების კუთხიდან. გაიმართა აქტიური მსჯელობა და დისკუსია უნაყოფობის მკურნალობის ხელმისაწვდომობის გაუმჯობესების სტრატეგიასა და პაციენტებთან დაკავშირებულ სხვა მნიშვნელოვან საკითხებზე.
ასოციაცია უკვე თვეზე მეტია აწარმოებს მედიაკამპანიას, რომლის მიზანია, საზოგადოებას დეტალურად განუმარტოს ასოციაციის მთავარი ამოცანები. ჩვენ გვსურს დამხმარე რეპროდუქციული საშუალებების საჭიროების მქონე პაციენტთა ცნობიერების ამაღლება, უნაყოფობის მკურნალობის ხელმისაწვდომობის გაზრდა, სფეროს ექსპერტების აქტიური მონაწილეობით და სახელმწიფოსთან პარტნიორობით მკურნალობის თანადაფინანსების პროგრამის შემუშავებისკენ კიდევ უფრო აქტიური ნაბიჯების გადადგმა.

ორგანიზაცია „ერთად ახალი სიცოცხლისთვის“ 2021 წლის იანვარში შეიქმნა და უნაყოფობის პრობლემის მქონე პაციენტებს აერთიანებს. 2021 წლის დასაწყისში საინიციატივო ჯგუფმა პეტიცია შეიმუშავა, სადაც 10 000-ზე მეტმა ადამიანმა დააფიქსირა თანადაფინანსების პროგრამის შექმნის სურვილი. მოგვიანებით საინიციატივო ჯგუფი ასოციაციად ჩამოყალიბდა და პაციენტების საერთაშორისო ორგანიზაციას Fertility Europe-ს შეუერთდა, რომელიც 28 ქვეყნის უნაყოფობის პრობლემის მქონე პაციენტების ასოციაციებს აერთიანებს.
ღონისძიება მიეძღვნა „ფერტილობის კვირეულს“, რომელიც 7-13 ნოემბერს მთელს მსოფლიოში აღინიშნება.

კომენტარები


© 2015, MediaCity. All Rights Reserved.